Les caractères (XI), La Bruyère, "Peindre les hommes, examiner la nature humaine"

• https://e.pcloud.link/publink/show?code=XZJU45Zqy0o2KQo79hsLVXVgYXSxXLhCiDk
  
  

HasouH a écrit:Bonjour, j’ai extrêmement besoin d’aide pour une dissertation. Je dois rédiger une seule partie (partie1) et les autres parties sous forme de plan etc. C’est urgent svp!? 

Dans Le siècle des moralistes (2000) B. Parmentier écrit : "L'univers social est livré au règne des apparences, qui sont réinvesties dans des manoeuvres de domination. L'apparence est le domaine des abus de pouvoir." Qu'en pensez-vous ?

• https://www.lettresclassiques.fr/2023/01/20/le-stoicisme-est-un-jeu-desprit/

Ce combat, que soustiennent les fideles contre le sentiment naturel de douleur, en suyvant patience & moderation, est tresbien descript par Sainct Paul, en ces parolles <2. Cor. 4>. Nous endurons tribulation en toutes choses : mais nous ne sommes pas en destresse. Nous endurons povreté : mais nous ne sommes point destituez. Nous endurons persecution : mais nous ne sommes point abandonnez : nous sommes comme abatuz: mais nous ne perissons point. Nous voyons que porter patiemment la croix, n'est pas estre du tout stupide, & ne sentir douleur aucune, comme les Philosophes Stoiques ont folement descript le temps passé un homme magnanime, lequel ayant despouillé son humanité, ne feust autrement touché d'adversité que de prosperité, ne autrement de choses tristes que de joyeuses : ou plustost qu'il feust sans sentiment comme une pierre. Et qu'ont-ilz profité avec ceste si haulte sagesse ? C'est qu'ilz ont despaind un Simulacre de patience, lequel n'a jamais esté trouvé entre les hommes, & n'y peut estre du tout : & mesme en voulant avoir une patience trop exquise, ilz ont osté l'usage d'icelle entre les hommes. Il y en a aussi maintenant entre les Chrestiens de semblables : lesquelz pensent que ce soit vice, non seulement de gemir & pleurer, mais aussi de se contrister & estre en solicitude. Ces opinions sauvages procedent quasi de gens oisifz : lesquels s'exercent plustost à speculer, qu'à mettre la main à l'œuvre, ne peuvent engendre autre chose, que telles phantasies. De nostre part, nous n'avons que faire de ceste si dure & rigoureuse Philosophie : laquelle nostre Seigneur Jesus a condamnée, non seulement de parolles, mais aussi par son exemple. Car il a gemy & pleuré tant pour sa propre douleur qu'en ayant pitié des autres : & n'a pas autrement aprins ses disciples de faire. Le monde, dict-il, s'esjoyra : & vous serez en tristesse : il rira, & vous pleurerez. Et à fin qu'on ne tournast cela à vice, il prononce ceux qui pleurent estre bien heureux. Ce qui n'est point de merveille. Car si on reprouve toutes lames : que jugerons-nous du Seigneur Jesus ; du corps duquel sont distilées goustes de sang? Si on taxe d'incredulité tout espouvantement : qu'estimeront-nous de l'horreur, dont il feust si merveilleusement estonné ? Comme approuverons-nous ce qu'il confesse : son ame estre triste jusques à la mort ? J'ay voulu dire ces choses, pour retirer tous bons cœurs de desespoir : à fin qu'ilz ne renoncent point à l'estude de patience : combien qu'ils ne soient du tout à delivre d'affection naturelle de douleur. Or il convient que ceux qui font de patience stupidité, & d'un homme fort & constant un tronc de boys, perdent couraige & se desesperent : quand ilz se vouldront abandonner à patience. L'Escriture au contraire louë les Sainctz de tolerance, quand ilz sont tellement affligez de la dureté de leurs maulx, qu'ilz n'en sont pas rompus pour deffaillir : quand ilz sont tellement poinctz d'amertume, qu'ilz ont une joye spirituelle avec : quand ilz sont tellement pressez d'angoisse, qu'ilz ne laissent point de respirer, se resjoyssantz en la consolation de Dieu. […] De là il adviendra qu'en quelque tribulation que nous soyons, en la plus grande destresse de cœur qu'il sera possible d'avoir, nous ne laisserons point de retenir constamment patience. Car les adversitez auront toujours leur aigreur, laquelle nous mordra. Pour laquelle cause, estans affligez de maladie, nous gemirons, & nous plaindrons, & desirerons santé estant pressez d'indigence, nous sentirons quelques aiguillons de perplexité & solicitude. Pareillement l'ignominie, contemnement, & toutes autres injures nous navreront le cœur. Quand il y aura quelqu'un de noz parens mort, nous rendrons à nature les larmes qui luy sont deües. Mais nous reviendrons tousjours à ceste conclusion. Neantmoins Dieu l'a voulu, suivons donc sa volunté. Mesme il fault que ceste cogitation intervienne parmy les punctions de douleur, & larmes, & gemissemens : à fin de reduire nostre cœur à porter joyeusement les choses, desquelles il est ainsi contristé."

Chapitre XVII, p. 807-809

I, 42,  "De l'inégalité qui est entre nous" , éd. Villey p. 262 :
Ce ciel de lict tout enflé d’or et de perles, n’a aucune vertu à rappaiser les tranchées d’une verte colique :

Nec calidae citius decedunt corpore febres,
Textilibus si in picturis ostroque rubenti
Jacteris, quam si plebeia in veste cubandum est.

II, 2, "De l’yvrongnerie", éd. Villey p. 345-47

A combien de vanité nous pousse cette bonne opinion que nous avons de nous ! La plus reiglée ame du monde n’a que trop affaire à se tenir en pieds et à se garder de ne s’emporter par terre de sa propre foiblesse. De mille, il n’en est pas une qui soit droite et rassise un instant de sa vie ; et se pourroit mettre en doubte si, selon sa naturelle condition, elle y peut jamais estre. Mais d’y joindre la constance, c’est sa derniere perfection  ; je dis quand rien ne la choquerait, ce que mille accidens peuvent faire. Lucrece, ce grand poëte, a beau Philosopher et se bander, le voylà rendu insensé par un breuvage amoureux. Pensent ils qu’une Apoplexie n’estourdisse aussi bien Socrates qu’un portefaix ? Les uns ont oublié leur nom mesme par la force d’une maladie, et une legiere blessure a renversé le jugement à d’autres. Tant sage qu’il voudra, mais en fin c’est un homme : qu’est il plus caduque, plus miserable et plus de neant  ? La sagesse ne force pas nos conditions naturelles :

Sudores itaque et pallorem existere toto
Corpore, et infringi linguam, vocémque aboriri,
Caligare oculos, sonere aures, succidere artus,
Denique concidere ex animi terrore videmus.

Il faut qu’il sille les yeux au coup qui le menasse ; il faut qu’il fremisse, planté au bord d’un precipice, comme un enfant : Nature ayant voulu se reserver ces legeres marques de son authorité, inexpugnables à nostre raison et à la vertu Stoique, pour luy apprendre sa mortalité et nostre fadeze. Il pallit à la peur, il rougit à la honte ; il se pleint à l'estrette d’une verte colique, sinon d’une voix desesperée et esclatante, au moins d’une voix cassée et enroüée,

Humani a se nihil alienum putet.

Les poëtes qui feignent tout à leur poste, n’osent pas descharger seulement des larmes leurs heros :

Sic fatur lachrymans, classique immittit habenas.

Luy suffise de brider et moderer ses inclinations, car, de les emporter, il n’est pas en luy. Cetuy mesme nostre Plutarque, si parfaict et excellent juge des actions humaines, à voir Brutus et Torquatus tuer leurs enfans, est entré en doubte si la vertu pouvoit donner jusques là, et si ces personnages n’avoyent pas esté plustost agitez par quelque autre passion. Toutes actions hors les bornes ordinaires sont subjectes à sinistre interpretation, d’autant que nostre goust n’advient non plus à ce qui est au dessus de luy, qu’à ce qui est au dessous.
Laissons cette autre secte faisant expresse profession de fierté. Mais quand, en la secte mesme estimée la plus molle, nous oyons ces ventances de Metrodorus :

Occupavi te, Fortuna, atque cepi ; omnesque
aditus tuos interclusi, ut ad me aspirare non posses ;

quand Anaxarchus, par l’ordonnance de Nicocreon, tyran de Cypre, couché dans un vaisseau de pierre et assommé à coups de mail de fer, ne cesse de dire : Frappez rompez, ce n’est pas Anaxarchus, c’est son estuy que vous pilez ; quand nous oyons nos martyrs crier au Tyran au milieu de la flamme : C’est assez rosti de ce costé là, hache le, mange le, il est cuit, recommance de l’autre ; quant nous oyons en Josephe cet enfant tout deschiré des tenailles mordantes et persé des aleines d’Antiochus, le deffier encore, criant d’une voix ferme et asseurée : Tyran, tu pers temps, me voicy tousjours à mon aise ; où est cette douleur, où sont ces tourmens, dequoy tu me menassois ? n’y sçais tu que cecy ? ma constance te donne plus de peine que je n’en sens de ta cruauté ; ô lache belistre, tu te rens, et je me renforce ; fay moy pleindre, fay moy flechir, fay moy rendre, si tu peux ; donne courage à tes satellites et à tes bourreaux  ; les voylà defaillis de cœur, ils n’en peuvent plus ; arme les, acharne les : certes il faut confesser qu’en ces ames là il y a quelque alteration et quelque fureur, tant sainte soit elle. Quand nous arrivons à ces saillies Stoïques : J’ayme mieux estre furieux que voluptueux, […] quand Sextius nous dit qu’il ayme mieux estre enferré de la douleur que de la volupté ; quand Epicurus entreprend de se faire mignarder à la goute, et, refusant le repos et la santé, que de gayeté de cœur il deffie les maux, et, mesprisant les douleurs moins aspres, dedaignant les luiter et les combatre, qu’il en appelle et desire des fortes, poignantes et dignes de luy,

Spumantémque dari pecora inter inertia votis
Optat aprum, aut fulvum descendere monte leonem,

qui ne juge que ce sont boutées d’un courage eslancé hors de son giste ? Nostre ame ne sçauroit de son siege atteindre si haut. Il faut qu’elle le quitte et s’esleve, et, prenant le frein aux dents, qu’elle emporte et ravisse son homme si loing qu’apres il s’estonne luy-mesme de son faict ; comme, aux exploicts de la guerre, la chaleur du combat pousse les soldats genereux souvent à franchir des pas si hazardeux, qu’estant revenuz à eux ils en transissent d’estonnement les premiers ; comme aussi les poëtes sont espris souvent d’admiration de leurs propres ouvrages et ne reconnoissoient plus la trace par où ils ont passé une si belle carriere. C’est ce qu’on appelle aussi en eux ardeur et manie.

II, 8, "De l'affection des Peres aux enfans", éd. Villey, p. 401 :

Pensons nous qu’Epicurus qui, en mourant, tourmenté, comme il dit, des extremes douleurs de la colique, avoit toute sa consolation en la beauté de sa doctrine qu’il laissoit au monde, eut receu autant de contentement d’un nombre d’enfans bien nais et bien eslevez, s’il en eust eu, comme il faisoit de la production de ses riches escrits ? et que, s’il eust esté au chois de laisser apres luy un enfant contrefaict et mal nay, ou un livre sot et inepte, il ne choisit plustost, et non luy seulement, mais tout homme de pareille suffisance, d’encourir le premier mal'heur que l’autre ?

II, 11, "De la Cuauté", éd. Villey p. 424-425 :

Si je presuppose que la vertu parfaite se connoit à combatre et porter patiemment la douleur, à soustenir les efforts de la goute sans s’esbranler de son assiette ; si je luy donne pour son object necessaire l’aspreté et la difficulté : que deviendra la vertu qui sera montée à tel point que de non seulement mespriser la douleur, mais de s’en esjoüyr et de se faire chatouiller aux pointes d’une forte colique, comme est celle que les Epicuriens ont establie et de laquelle plusieurs d’entre eux nous ont laissé par leurs actions des preuves trescertaines ? Comme ont bien d' autres, que je trouve avoir surpassé par effect les regles mesmes de leur discipline. Tesmoing le jeune Caton. Quand je le voy mourir et se deschirer les entrailles, je ne me puis contenter de croire simplement qu’il eust lors son ame exempte totalement de trouble et d’effroy, je ne puis croire qu’il se maintint seulement en cette démarche que les regles de la secte Stoique luy ordonnoient, rassise, sans émotion et impassible ; il y avoit, ce me semble, en la vertu de cet homme trop de gaillardise et de verdeur pour s’en arrester là. Je croy sans doubte qu’il sentit du plaisir et de la volupté en une si noble action, et qu’il s’y agrea plus qu’en autre de celles de sa vie :

Sic abiit e vita ut causam moriendi nactum se esse gauderet

Je le croy si avant, que j’entre en doubte s’il eust voulu que l’occasion d’un si bel exploit luy fust ostée. Et, si la bonté qui luy faisoit embrasser les commoditez publiques plus que les siennes, ne me tenoit en bride, je tomberois aisément en cette opinion, qu’il sçavoit bon gré à la fortune d’avoir mis sa vertu à une si belle espreuve, et d’avoir favorisé ce brigand à fouler aux pieds l’ancienne liberté de sa patrie. Il me semble lire en cette action je ne sçay quelle esjouissance de son ame, et une émotion de plaisir extraordinaire et d’une volupté virile, lors qu’elle consideroit la noblesse et hauteur de son entreprise :

Deliberata morte ferocior,

non pas esguisée par quelque esperance de gloire, comme les jugemens populaires et effeminez d’aucuns hommes ont jugé, car cette consideration est trop basse pour toucher un coeur si genereux, si hautain et si roide ; mais pour la beauté de la chose mesme en soy : laquelle il voyoit bien plus à clair et en sa perfection, lui qui en manioit les ressorts, que nous ne pouvons faire. La philosophie m’a faict plaisir de juger qu’une si belle action eust esté indecemment logée en toute autre vie qu’en celle de Caton, et qu’à la sienne seule il appartenoit de finir ainsi.

II, 12, Apologie de Raymond Sebon, éd. Villey p. 592-593 :

Car que les sens soyent maintesfois maistres du discours, et le contraignent de recevoir des impressions qu’il sçait et juge estre fauces, il se void à tous coups. Je laisse à part celuy de l’atouchement, qui a ses operations plus voisines, plus vives et substantielles, qui renverse tant de fois, par l’effet de la douleur qu’il apporte au corps, toutes ces belles resolutions Stoïques, et contraint de crier au ventre celuy qui a estably en son ame ce dogme avec toute resolution, que la colique, comme toute autre maladie et douleur, est chose indifferente, n’ayant la force de rien rabatre du souverain bonheur et felicité en laquelle le sage est logé par sa vertu.

Je t'en donnerai, moi, du «joli»:

• https://www.lettresclassiques.fr/2023/02/13/irene/
  

• https://www.lettresclassiques.fr/2023/02/13/remarques-sur-la-vie-et-la-mort/

Spoiler: